title icon 苗栗縣公館國民中學本土語言教學網
menu_top_background
:::
客家歌謠令
:::

器物用具令

             

一廿長一廿大,一暗晡無摸毋實在。

木門栓

一對鴛鴦壁項企,日裡分開夜裡結夫妻。

雙扇門

兩姐妹平高平大,一暗晡無摸,就睡毋自在。

門扇

兩公婆,比比坐,����,盡高毛。

兩个兄弟仔,日時分開,暗時做堆。

一隻綿羊四只角,夜裡飽來日裡餓,

熱天無佢還做得,寒天無佢難得過。

一個老人家,短短个身體,大大个頭那,喊佢睡目,

佢就搖頭那。

阿不多

一隻窟仔圓輪輪,種竹毋生根,種花毋使淋。

香爐

一群白鶴白醒醒,兩枝竹篙獵落城。

白米飯

一只大肚屎,生來怪脾氣,毋打毋出聲,越打越歡喜。

面皮厚厚,肚屎空空,堵著棍仔,大噭鼕鼕。

鼓仔

一只盤兒元叮噹,飛上飛下尋無伴;

出力將佢擲出去,飛到半路會轉彎

飛盤

無嘴會噭,無腳會走。

陀螺

一身圓圓,無手無腳,跳上跌落,無衫好著。

球仔

無嘴唱人聽,無人會出聲。

曲盤

一間屋仔矮斜斜,一暗晡邸五子爺。

拖鞋

一間屋矮麻麻,一入人五儕。

紅蚊帳,樹眠床,鐵打將軍排兩行。

紅屐仔

紅娘子,坐高台,心肚痛,目汁來。

蠟燭

銅鑊煮麵線,緊煮緊毋見。

燈盏

頭頂烏嗖嗖,尾仔白呵呵,敢食滿山草,毋敢過一河。

蕃火

一塊黃磚四四角,滿天星仔花嗶駁。

遠看有山水,近聽無水聲,春去花還在,人來鳥毋驚。

山水畫

 

            

一隻鐵殼船,毋行湖同洋,船動起濛煙,船過水氣燥。

熨斗

一隻瘦豬ma5,有食就蓋好,無食瘸瘸倒。

布袋

一間屋仔三隻門,底背淨歇半个人。

一間屋仔五寸長,一節放風車,一節開染坊。

墨斗

一枝竹仔四寸長,中央一榾糖,你係揣仔著,分你嚐。

竹摒

ㄧ支竹仔一廿長,中央有黑糖。

屎摒

田脣坎下一隻黃蛤蟆,揣一到分你嗙燒茶。

兄弟兩個面對面,一樣動作一樣面,

除忒一个係啞眵,剩个樣樣都無變。

鏡仔

七兄弟共一床,官兵掛起鬧洋洋,

毋驚泥耕水,專門斬該草霸王。

碌碡

七姊妹來共一床,大老喊我落湖洋,

食盡幾多烏漿水,斬盡幾多草霸王。

碌碡

十二兄弟做ㄧ家,廳下古井打棍花,大个主意就無差。

時鐘

有啄毋會講,無啄講你聽。

時鐘

半壁開古井,頂上有八卦,古井下背弄棍花。

掛鐘

又扁又四方,金童玉女在中央,

後生條仔看到走離離,觀音娘娘時常來看顧。

搖籃

十隻加十隻,本本係十隻,十隻減十隻,也係十隻。

手落兒(手袋仔)

食指尖尖肚裡空,有皮無骨愛過冬,

毋驚寒冷毋驚風,十冬腊月逞英雄。

手落仔

十个兄弟共一家,麼儕主意也無差,

綾羅綢緞全著過,身上並無一條紗。

布尺

生來公平,愛問長短,佢最分明。

二十四儕共一家,麼儕主意也無差。

羅盤

二十四兄弟共一家,兄兄弟弟主得意,兄兄弟弟當得家,

堂下中心挖古井,古井肚裡打棍花。

羅盤

 

            

又圓又扁又四方,鐵拐先生坐中央,

二十四條花街路,條條大路有文章。

羅盤

比比坐,唱山歌,共下唱時毋成歌。

風琴

四角無四方,愛長,兩片剁;愛闊,兩片削。

豬篼

四角無四方,高高在人上,有个掩等仆,有个挺挺昂。

四角眠床,珍珠掛樑,推來去,想壞肚腸。

算盤

ㄧ屋分兩院,五男二女做ㄧ家;

兩家打到亂如麻,打到清明正放下。

算盤

一家分兩院,兩院子孫多,多个比少个少,少个比多个多。

算盤

滴矺樹,滴矺樑,滴矺滴矺,好商量。

算盤

四支竹腳,四支肉腳,樣會恁多腳,底背還有兩支腳。

轎仔

無徙無動四隻腳,徙徙動動八隻腳,烏龜退殼十隻腳。

轎子

生在深山肚,死在人屋肚,陰魂飛上天,骨頭來賣還有錢。

火炭

生生邸在半山排,死忒拿到窟肚埋,

魂魄陣陣上西天,骨頭留來街項賣。

火炭

生生在山排,死忒改窟埋,魂魄天四散,骨頭去街巷賣。

木炭

生在山上葉披披,死在凡間冷水淋,

得著人間一把米,一條黃索捆在腰。

粽葉

四角無四方,索仔中央,洗身無脫衫,洗好脫光光。

粽仔

四面四角無四方,綾羅腰帶繫中央,

黏黏拖拖去跳水,去到衙門脫衣裳。

粽仔

生在山中青揚揚,死在家中討米糧;

牽牽連連跳水死,去到衙門脫衣裳。

粽兒

四角稜稜輕又輕,有口難言無聲音;

人隔千里不相見,話話句句清又明。

四角稜稜,無聽聲音;兩人不見,句句話真。

四角方方一片田,一塊一塊賣銅錢。

豆腐

 

            

四腳撐撐,跌落深坑,五榖毋食,愛食臭腥。

魚網

軀身白雪雪,打囊無斷節,毋識打著水,每夜水中歇。

浮標

四四方方一客房,煮好食物請人嚐,人客一入佢就哭,

哭哭哀哀哀哀哭,吩咐子孫毋好來。

老鼠籠

半天一子稈,下來兩粒卵,下來一門地,下來又ㄧ門堂,

裡背ㄧ尾紅金鯉兩寸長。

一粒柚仔七隻空。

一隻樹頭,七隻空,揣對分汝做阿公。

人頭

高山頂上草靚靚,月月割忒月月生。

頭顱毛

盡多三十六顆,先降老弟後降阿哥,

小可事情老弟主意,大項下愛問阿哥。

牙齒

東ㄧ片,西ㄧ片;到老無相見。

耳空

東ㄧ片,西ㄧ片,一年到暗無見面。

耳公

一只煙囪兩只孔,孔口毌識向天空,

有時一陣水來滴,有時一陣煙濛濛。

鼻公

皮包骨,骨包皮,刀憑背,背憑刀。

鼻空

麼个生來知香臭。

鼻公

紅門樓,白院牆;肚上坐只紅姑娘,會講又會唱。

初出娘胎到汝家,毋食汝煙毋食茶,

有腳毋踏黃金地,又驚又怕紫雲遮。

目珠

一出世來到汝家,毋食檳榔毋食茶,

有腳毋踏黃金土,有手毋採牡丹花。

目珠

軟軟像豆腐,到死無著褲,兩子爺,爭到面臭臭。

奶姑

十姊妹兩床睡,兩領被共下蓋。

一雙腳

柑仔皮,柚仔樣;皮座肚,肉座上。

雞肫

巴掌長,巴掌大,兩片毛捱捱。

牛耳

出門一蕊花,轉屋一條瓜。

遮兒

 

            

出門滿天開花,入門罰企壁角。

傘仔

生時山頂企,死咧做奴婢,人行佢就行,人坐佢就企。

拐棍仔

有皮又無肉,有角又無骨,嘴一打呀開,最愛食衫褲。

皮箱

自家無名,借姓安名;自家無正,

能正他人;太平不用我,我不用太平。

桌楔仔

竹枝枳殼,白芷防風,熟地不用,生地扠前。

燈籠

竹搭橋,篾仔絡,龜仔敢歇,腳魚仔毋敢爬。

粄牀

那個又深海無邊。

字墨

門扇角一個頭那,行阿出,亂竄爬。

掃把

五兄弟,共波鬚,朝朝行地理。

掃把

百枝腳,千枝腳;企無穩,憑壁角。

掃把

一個細人仔矮矬矬(dut4),朝晨床扭屎朏。

掃把

長山過來兩子姑,嫩夫毋架架老夫,

講到奇怪真奇怪,老夫一架變嫩夫。

老花

目鏡

兩腳瘦又長,耳公準凳坐,請問安到麼个哥?

目鏡

兩姊妹共十歲,逐日牽手恁親愛,

同心合力通通成,打倂前進就無退。

竹碼

汝一副ngai5一窟,搭著就無得落。

扭仔

東西恁遠互相吸,雙方有緣來相

大大方方臂開來,勇勇敢敢強強入。

紐仔

兩只圓圈排直線,用佢代步真方便。

腳踏車

兩个好兄弟,有耳無嘴講天機,教ngai5做事、賺錢、做生理。

筊仔

紅阿旦、白阿旦,見到火,摒摒碾。

紙炮

紅阿旦白阿旦,見著火朗朗散。

紙炮

烏心肝,著紅襖;火一點,飆高高。

紙炮仔

烏狗頭,白狗頭,山崗頂,汪汪吠,轉屋下,恬恬睡。

腳頭

烏雞lon3仔烏篤篤,朝朝床挏屎窟

鎖頭

 

            

半天ㄧ個瘻,毋驚神,毋驚鬼,驚該個礱勾嘴。

鎖匙

記得記得手摸腳踢。

尿桶

在山青荷荷,死了家中做老婆,

男人看到就射箭,女人看到打扽坐。

尿桶

還生青荷荷,死忒做水槽,阿哥看到射一箭,細妹看到打凳坐。

尿桶

高山頂上一坵田,無埤無圳水漣漣,

也有白鶴來食水,也有烏鴉來巡田。

墨盤

一畝田,半坵水;長腳烏鴉來磨嘴。

墨盤

無洗烏索索,緊洗緊齷齪。

据堵据,兩邊生翼,背囊屙屎,肚底落食。

刨仔

大肚姑娘,嘴筒恁長,愛飲滾水,倒出黃湯。

茶罐

ㄧ只細人打赤膊,看到人來跳上桌。

茶罐

嘴尖肚大無麼高,放啊爐上燒喔喔,

量小不能容萬物,兩三寸水就起波。

茶壺仔

無墊較高,墊著較矮,聽盡幾多纏綿話,看過幾多戰鬥成敗。

枕頭

生在山上青哩哩,死忒分人做奴婢,

看盡幾多風流事,聽進幾多好言語。

枕頭

遠看一座廟,近看一頂轎,裡背有人死,外背有人噭。

架仔床

黃泥墩,鐵銅鑼,洗鑊把,犁尿婆。

灶頭

頂高毋怕水,下背毋怕火,家家灶下肚,至少有一個。

鑊頭

一隻牛母瘦giap8 giap8,尾上一繃尿ca3 ca3

飯撈

圓身生來瘦又長,身穿彩衣烏心腸,

嘴空尖尖會講話,日見日短毋見長。

鉛筆

還細時白頭,老了變烏頭,閒時戴等帽,無閒時光頭。

毛筆

碗公層碗公,對中出蟻公。

盤層盤,中央出白鰻。

磨石

暗處看得真,越暗越分明,打著燈來看,顛倒看毋真。

電影

 

            

 

當多人踏入踏出,上上下下,歸日兒開開關關,蹶上蹶下。

電梯

 

麼个千里講得話,麼个千里一線牽。

電話

 

身體重重千萬噸,放在水中毋會沉,

大風大浪都毋怕,只怕江細水毋深

船仔

 

麼个做來四寸長,ㄧ頭生毛ㄧ頭光,

無用時節燥爽爽,用時緊搓緊出湯。

牙刷仔

 

ㄧ頭有毛,ㄧ頭光光,ㄧ頭鑽入嘴,ㄧ頭手中央。

牙刷仔

 

麼个生來像矮人,有名有姓有人性,

若有發生大小事,請佢出來做證人。

印仔

 

遠遠看來一條馬,行前嘴呀呀;背囊背等大燈盞,中央出蓮花。

風車

 

遠遠看著一匹馬,四腳袪袪向往下,

千軍萬馬風吹過,石牯榖冇分三家。

風車

 

四支腳企穩穩,中間緊滾。

風車

 

遠遠看係袋仔,行前看也係袋仔,

毋係袋米个袋仔,係真正个袋仔。

牛嘴落

 

輪輪鈴鈴,火燒钁頭柄,翻阿轉來,收拾若老命。

手槍

 

一物不成材,請客佢先來;客來佢就走,客去佢又來。

桌布

 

頭擺做過好漢來,毌知今日恁衰台,

人客來食ngai5先走,人客食咧ngai5又來。

桌布

 

小小祝英台,睡等等郎來,攔腰揇啊去,兩腳胠開來,

肉中責啊去,味道都試到來。

筷子

 

頭那四四方,尾仔圓叮噹,一日行三到,一夜企到光。

 

姐妹雙雙ㄧ般長,同出同入共商量,

冷冷熱熱共下過,酸甜苦辣共下嚐。

 

五哥攬二嫂,有攬就蓋好,毌覽瘸瘸倒。

筷仔

 

有面無嘴,有腳無手,聽人講話,看人飲酒。

桌子

 

四四角角一張檯,年年讀書佢也來,

佢讀三年毋識字,ngai5讀三年中秀才。

書桌

 

            

還生時節在山林,死忒帶我轉灶下,

同汝無冤也無仇,同ngai5剁到滿身疤。

砧板

一條蝴鰍仔,兩條鬚;下把喊佢出來,講道理。

秤仔

一頭重,一頭高;一頭輕,一頭低。

秤仔

銅將軍點兵,鐵將軍掛印;初一起身,十六到京。

秤仔

一尾鰗鰍兩條鬚,有時喊佢出來講道理。

秤兒

彎彎曲曲一條龍,煙霧重重毋起風,

雷聲隆隆無落雨,潮水滾滾一點紅。

水煙筒

鐵漢一付冷心腸,好食東西肚屎藏,

毋消化也無變質,毋信就請汝來嚐。

冰箱

有腳不會走,無腳走千里;

有口不說話,無口喊天下。

桌、船

房子

銅鑼

親家較高,親家較矮,親家屙尿,落親家褲襠底。

茶罐、茶杯兒

有腳毋會走,無腳走千里;

有嘴毋會講,無嘴喊得天下人來圍。

桌、船兒

屋兒

銅鑼

竹家去探親,索家做媒人,阿婆來報信,鐵家打死人。

釣檳

釣線

紙包火,竹包風。

燈籠

扇子

 

menu_bottom_background

::: copy right: 苗栗縣政府教育處資訊中心
建議使用瀏覽器Firefox或Chrome