title icon 苗栗縣公館國民中學本土語言教學網
menu_top_background
:::
客家動物令
:::

動物令

            

一件東西真稀奇,旋旋繞繞又有鬚;

別个東西皮包骨,這件東西骨包皮。

田螺

捲牆瓦屋,淨缺門樓,小姐出門,拿扇遮頭。

田螺

田崁下,噹滴馬,十人看到九人愛,分人�Eㄧ下就毋愛。

田螺

生生量兩斗,煮熟二十升,大家拈來食,還有斗六過四升

田螺

講佢係牛,毋會挷車走,講佢力氣細,又會背屋走。

蛞螺仔

飯碗一捧佢就來,停啊碗上搓雙手,拜託”“拜託”

講毋盡,雙手一拍見閻王。

烏蠅

ㄧ隻兔兒耳hiak4hiak4,翻山過屻無腳跡。

烏蠅

頭上戴紅帽,行路像相公。

火雞

在生柵籬下,死在神壇肚;裡背有人燒香,外背有人拜爺。

雞仔

兩腳跳跳,有屎無尿。

雞仔

頭尖尖,尾尖尖,屙屎歕臭人人嫌,上桌做菜,無人嫌。

雞仔

綾羅綢緞身上著,頭插鮮花雄邦邦,

企在牆頭喊一聲,滿天星斗全下班。

雞公

頭戴英雄帽,身穿花錦袍;高聲把歌唱,天下盡朝陽。

雞公

ㄧ頭芙蓉頂上開,戰衣不用剪刀裁,

雖然不比英雄將,喊得千門萬戶開。

雞公

頭插紅花花毋開,身上羅衣身底來,

人人講ngai5聲頦好,專喊天門漸漸開。

雞公

頭那尖尖像筆管,尾仔翹翹像龍船,

日時跳落水中,夜來喊孤寒。

鴨仔

頭那尖筆管,尾仔翹龍船,日時跳東海,夜來喊孤寒。

鴨仔

身著白袍,頭戴紅帽,路上能走,水上能浮。

鵝仔

頭巷勾勾勾,巷尾掃把頭,行路阿旦腳,講話大聲猴。

鵝仔

一隊飛機頸筋長,秋天就會去南洋,

戰爭進行有半年,直到開春正轉來。

燕仔

            

頭那像鶯歌,尾仔像剪刀,肚屎又搭地,又天恁高。

燕仔

日蹶夜蹶,屎朏凸凸。

kia5

麼个可比諸葛亮,單人獨坐中軍帳,

特別排出八卦陣,專專愛捉飛來將。

kia5

半天一條橋,中央八卦寮,神仙毋敢過,八仙佇該搖。

kia5

頸筋一隻寧,肚屎一隻極;專門屙屎來討食。

kia5

翹勢窟,做生理,好得生理恁好賺,係無餓死無人知。

kia5

細細諸葛亮,坐在中軍帳,排成八陣圖,專捉飛來將。

kia5

日趹夜趹,屎窟裼裼;日料夜料,長衫撩吊。

kia5黃蚻

鬚長長,待廚房,人吂嚐,ngai5先嚐。

黃蚻

著紅衫,戴紅帽,上山頭昂昂,下山�V�V倒。

黃蚻

八个人扛大鼓,兩个人擎椏鐐叉,人問愛去奈?講愛去石巖下。

毛蟹

老張老張,背只皮箱,剪刀兩把,手擎筷仔四雙。

毛蟹

兩隻手擎擎,行路打測爬,看到人尖石磊,石磊正係厥屋家。

毛蟹

八兄弟扛一粒大鼓,兩個大哥扛禾寮叉,

人問佢扛到奈去,扛去石崖下。

毛蟹

八人扛座鼓,兩人拿椏叉,直路佢毋行,一扛扛到石岩下。

螃蟹

上樹毋怕高,下樹毋怕跌,ci5(cii5)無毛,割無血。

蟻仔

上肢下肢都係手,有時爬來有時走,

走時像一個人,爬時像一條狗。

猴仔

天頂一皮篾,跌啊下來會做賊。

鷂婆

日行千里不出鄉,恩愛夫妻無共床,

子孫八代無共姓,兄弟姐妹各爺娘。

豬哥

有人喊阿哥,無人喊阿叔,子孫滿天下,死了無人哭。

豬哥

三頭六耳,四隻腳上天,四隻腳落地。

扛豬仔

竹做枕頭地做床,麻索上身苦難當,

利刀割肉思想病,ㄧ世無夫不嫁郎。

閹豬

 

            

  

身上著烏紗,食飽無在家,攀山過河家家去,

大家講佢風流仔,還愛賺錢轉屋下。

牽豬哥

四腳撐撐,兩角尖尖,兩人撥扇,一人拖青。

水牛

頭動尾動舌ma5舐鼻孔。

麼个四角無四方,麼个四耳在中央,

人人看到盡好看,佢兜辛苦最難當。

牛相鬥

八枝堵四枝橕,緊對緊硬堵硬。

牛相鬥

半天斬竹毋使刀,地下打窿毋用鍬,今年著白衫,明年著綾羅。

筍蛄

在生時節白哀哀,愛死自家圓棺材,

在生時間無丈夫,死忒再世夫正來。

蠶仔

細細時節青竹黴,紅紅綠綠白等來,生時夫無到,死後夫正來。

蠶仔

ㄧ物生,貞節妹,死忒自家做棺材,返魂丈夫來。

蠶仔

有翼毋會飛,無腳走千里。

魚仔

盡像一條帶,海中泅係快,將佢捉起來,好做盤中菜。

白帶魚

身體像軍艦,會浮又會泅,食水無食油,頭那頂上會噴水。

海盎

老阿伯,背烏豆,緊行緊漏。

羊屙屎

坐也係企,企也係企,行也係企,睡也係企。

馬仔

行也係企,企也係企,坐也係企,睡也係企。

白鶴

行也係行,企也係行,坐也係行,睡也係行。

魚仔

行也係坐,企也係坐,坐也係坐,睡也係坐。

蝦蟆

日時歇草中,暗晡飛園中,自家帶燈盞,見尾毋見頭。

火焰蟲

三對腳仔晃啊晃,吹笛打鼓進間房,

食人ㄧ杯紅肉酒,ㄧ隻巴掌到閻王。

蚊仔

四腳晃晃晃,吹簫打鼓入間房,十八滿姑ngai5先嘗。

蚊子

兩腳打晃槓,打鼓入間房,鐵鎚大棍打毋著,雙手一拍見閻王。

蚊仔

日歇青草水溝邊,夜同阿妹共枕頭,

一旦牡丹花下死,就係做鬼也風流。

蚊子

            

長長頸筋短耳公,東西商品背上馱,沙漠無佢行毋得。

駱駝

前腳短來後腳長,前怕虎來後怕狼,

猋猋跳跳做壞事,又咬青菜又偷糧。

兔仔

耳公長長尾短短,目珠紅紅毛白白,

三片嘴唇膽盡細,跳上跌落得人惜。

兔仔

細細水裡企,大咧半天飛,八十阿公佢毋驚,斯驚三歲小孩兒。

囊蜺(揚尾仔)

無耕田無耕園,伙食食到年堵年,

名聲好到牛牯大,講出來就毋値一個錢。

牛蜱

歇在六角屋,每日花間忙,滿屋甜又香,分兜人來嚐。

蜂仔

自細生在富貴家,時常出入享榮華,

皇帝也識傳聖旨,代代兒孫做探花。

蜂仔

麼个無骨水上泅,麼个無骨穿泥油。

蝴蜞

ㄧ個雞卵仔肥漬漬,有嘴無屎窟。

蝴蜞

關公關公面紅紅,無手無腳會定動。

hian3

熱天到,企到樹頂高,毋食茶,毋食飯,總係唱山歌。

嬋仔

頭頂掃把,尾係彎杓;講係麼个,揣毋得著。

蝦公

老阿公,鬚恁長,厥屋下,歇埤塘,

看到人,打卵退,毋知佢愛囥奈位

蝦公

鬍鬚長長,背囊彎彎,堵到滾水,換領新衫。

蝦公

麼个生來無幾高,有骨有皮又無毛,

有時聽來像狗吠,企著時節像狗坐。

蛤蟆仔

有目珠無目眉,有肚屎無肚臍,坐等像狗坐,又無狗高。

蛤蟆

著鐵衫,戴鐵帽,揣了對,分汝做老貨

糞屎蛄

戴鐵帽,著鐵衫,揣得到,使分你做學生。

金姑仔

軀身白雪雪,一捺又一捺,毋見天上月,毋食地下水。

蛀蟲

腳踏龍頭向上天,聲聲句句叫連天,

連叫三聲無人應,三魂七魄落黃泉。

蛇哥打

 

            

  

草肚底背一條索,無揬佢自家會亍,

心肝恁毒嘴更毒,動著佢時lin7火著。

蛇哥

nem5 bu5 zi5 nem5 bu5 zi5,有目珠,無目眉。

蛙鯰兒

青衣點點金,高樓望水深,較大河水我敢過,總驚黃龍制吾身。

蛙仔

還細水中漂,大來地上跳,出生無生腳,大四隻腳。

蛙仔

一日毋知晝lau1夜,擎棍仔打路邊花,

雞啼正知天會光,狗吠正知有人家。

瞎子

死了著紅衫,還生著黑皮,人个肉包骨,厥个骨包肉。

毛蟹蝦公

高樓大廈低頭行,鼕鼕敲鼓鼓毋響,

新鋪街道踏毋平,千年點火火毋亮。

痀腰仔、臭耳聾

跛腳仔、青盲仔

大哥紅,二哥白,三哥打拳,四哥吹笛。

�W蜱、蝨母

跳蚤、蚊兒

大哥嶺上坐,二哥下水摸田螺,

三哥買雞毋用秤,四哥糴榖毋用籮。

老虎、鴨仔

鷂婆、老鼠

人人講ngai5公婆,自從識共下坐,

你嫌ngai5个皮恁皺,ngai5嫌你个鬚恁多。

蝦公、蛤蟆

老公瘦瘦一za1根,夫娘肥肥肉在身,

人人講ngai5公婆,一年到晚無兼身。

蝦公、蛤蟆

 

menu_bottom_background

::: copy right: 苗栗縣政府教育處資訊中心
建議使用瀏覽器Firefox或Chrome