title icon 苗栗縣公館國民中學本土語言教學網
menu_top_background
:::
客家植物令
:::

植物令

            

一枝棍子直溜溜,雞ma5度子掩秋秋。

包黍

ㄧ个青盲仔行路毋使枴棍仔。

熟地

ㄧ叢樹仔矮叮叮,紅花開來白花形,

人人講你無漦用,蓋忒ㄧ片天下人。

棉仔

一枝細遮仔,開樹林中,一旦打開來,就難合起來。

菇仔

一頓層一頓,有葉又無枝。

菁仔樹

有佢一條龍,無佢一條蟲,塞入嘴上就見紅。

檳榔

一團草,水面浮,開白花,结元寳。

菱角

泥肚一條龍,頭那上一頂蓬,圓身一節節,歸身都係空。

蓮藕

青銅盤,青筆管,空身去,帶子轉。

芋兒

青竹絲,撐簸箕,雞ma5子樹下企。

芋仔

五十加五十。

百合

生在草山葉仔蓬,死在水中水染紅;

人愛請客先請我,我又無在酒席中。

生在山上,賣到山下,滾水一倒,就會開花。

茶心

生在山頂歿樹下,一年四季無開花,越嫩越好食,越老越無渣。

木耳

.ㄧ年四季無開花,越嫩越好食,越老越無渣。

木耳

皮皴皴,核皺皺,分你揣三年過一晝。

橄欖

半天吊豬肚,好食毋好煮。

柚子

黃布包紅布,紅布包梳子,梳子包糖醋。

柚子

青布包白布,白布包梳子,梳子包白米。

白肉柚仔

紅布包紅紙,紅紙包梳子,梳子包蝦米。

紅肉柚仔

青布包白布,白布包梳子,梳子包酸醋。

酸柑

半天吊豬腸,好食毋好dong5

豆子

半天吊豬腸,煮分大家嚐。

四季豆

半山排種韭菜,無人淋有人愛。

菅筍

打花向上上,供子愛用抨。

麻仔

            

皮亮亮骨皺皺,分你揣到三日過一晝。

桃仔

兩扇烏大門,開開來一個白小人。

瓜子

身體企來直,開花黃黃黃,面仔像日頭,打子香香香。

太陽花

身在深山肚,死在人屋肚,陰魂飛上天,骨頭來賣還有錢。

樹木

兩人同時去齒科,去到齒科共凳坐,

顏容比人還卡好,可惜人人毋取我。

稗仔

麼个細細和尚,日後大來無共樣;

若係農夫來遇到,將佢解到別位巷。

稗仔

奇巧真奇巧,食粒米會飽。

綠竹做蘿,青竹接耳,搖著紮紮,裝一粒米。

空殼樹,紮腹椏;先打子,後開花。

禾兒

小小針恁細,緊大緊婆娑,老咧腰骨痛,因為子孫多。

禾仔

細細水裡企,大了著蓑衣,天下愛佢管,皇帝愛佢醫。

禾仔

汶水種,鮮水養;打子好食樹難上。

禾仔

上京舉子葉高飄,去到中壢分人招,

就在中壢生貴子,神農皇帝走來遶。

蕃薯

皮青青,肉紅紅,降介賴兒烏面公。

西瓜

紅秤鉈,白秤鉈,見著水,冇冇浮。

吊菜仔(茄子)

鐵樹鐵椏岔,打子開紅花,紅花結烏子,烏子墜晃下。

茄子

半天吊豬核,好食毋好扼。

紅柿仔

紅盎仔,揜烏蓋,大人看到,細人愛。

紅柿仔

紅孩兒,戴烏帽,儕儕看著都想愛。

柿子

身恁長,葉恁長,果子好食謝爺娘。

芎蕉

風來唏唏嗦,�背仔生百過。

芎蕉

半天吊牛角,可食毋可剁。

芎蕉

黃金布,包銀條,中央彎彎兩頭翹。

芎蕉

黃金布,包銀條,圓身拱拱兩頭翹。

芎蕉

 

            

黃金軟布,包枝銀條,中央彎彎,兩頭翹翹。

芎蕉

風來淅瀝唆囉,雨來嗶瀝波囉。

芎蕉葉

流溜子,毋顧家;有根毋搭泥,有葉毋開花。

薸子

在生青荷荷,生活水上浮;人人講ngai5係嫖仔,

又無風流無在家。

薸子

lang7莖樹,lang7莖葉,樹頭下打白石。

青蒜

皮粗肉白,心仔烏滴溚。

牛眼

黃銅鈴,青銅柄,銅鈴裡肚烏鐵心。

枇杷

麼个生根無落地,麼个生葉毋開枝,

街上市場有好買,毋過園中無種佢。

豆芽

生根毋落地,生葉毋開花;街上有好買,田肚無種佢。

豆菜

麼个緊老緊開花,麼个留老好洗碗。

菜瓜

麼个生來青俐俐,清涼退火好料理,

做得留老好洗碗,做得煮湯愛匏皮。

菜瓜

撑撐撐,雙頭撐,撐到必,無人識。

花草

頭戴沙,尾凍露;一嘴食,一嘴吐。

甘蔗

ㄧ支棍仔直溜溜,緊行緊食,滿路骨頭無人收。

甘蔗

頭戴尖尖帽,身著節節衣,年年二三月,鑽出身仔來。

竹筍

爺仔著青衫,賴仔著黃襖,黃襖脫啊忒,兩子爺斑斑老。

竹筍

藤堵藤,壁堵壁,開黃花,打子豆。

番豆

兩兄弟,無共間睡,共領被蓋。

地豆

三子嫂,共姓黃,各眠床,共被蓋。

黃豆仔

大哥棚頂坐,二哥一身毛,三哥腰lai2 guai2,四哥一身tai2

瓠兒、冬瓜

菜瓜、苦瓜

大哥大腦腦,二哥著紅襖,三哥面全疤,四哥鬍鬚佬。

番瓜、吊菜仔

苦瓜、包黍

大哥山頂坐,二哥滿身毛,三哥一身癩,四哥軟怠怠。

南瓜.冬瓜.苦瓜.豆仔

 

            

大哥棚頂坐,二哥一身毛,三哥腰癩蛙,

四哥一身tai2,五哥叮叮叮,六哥會咬人。

瓠子、冬瓜、 茄子

苦瓜 、長豆、芋頭

大哥棚上坐,二哥ㄧ身毛,三哥晃槓晃,

四哥一身膀;五哥著紅衫,六哥尾攋攋。

瓠仔、冬瓜、菜瓜、苦瓜、吊菜仔、

長角豆仔

大哥棚頂坐,二哥ㄧ身毛,三哥腰令怪,

四哥一身癩;五哥著紅鞋,六哥尾犁犁。

瓠仔、冬瓜

菜瓜、苦瓜

吊菜仔、豆仔

 

 

menu_bottom_background

::: copy right: 苗栗縣政府教育處資訊中心
建議使用瀏覽器Firefox或Chrome